सहकारी पिडितद्वारा सिंहदरबार घेराउ, माइतीघर मण्डलामा बिरोध प्रदर्शन

काठमाडौं : सहकारी पीडितहरूले काठमाडौंको माइतीघर मण्डलामा बिरोध प्रदर्शन गरेका छन् । विभिन्न सहकारीबाट ठगिएका बचतकर्ताहरू काठमाडौं आएर बचत फिर्ताको माग राख्दै माइतीघर मण्डलामा बिरोध प्रदर्शन गरेका हुन् ।

गत जेठ २० गते देखि नै माइतिघरमा धर्ना बस्दै आएका सहकारी पीडितहरुले असार २७ गते देशब्यापी रुपमा प्रर्दशन सुरु गर्ने भनिएपनि उक्त कार्यक्रम स्थगित गरिएको थियो । पीडितले आज बिहान माइतीघर मण्डलामा सडक अवरुद्ध गर्ने, सिंहदरबार घेराउ गर्नेदेखि नयाँ बानेश्वरस्थित सहरकारी विभागमा ताला पनि लगाएका थिए । ताला भने प्रहरीले खाेलीसकेकाे छ । आन्दोलन गर्ने कतिपयलाई प्रहरीले नियन्त्रणमा पनि लिएको छ ।

पीडितले सिंहदरबारको दक्षिण गेट बन्द गर्ने क्रममा प्रहरीले नियन्त्रणमा लिएको थियो । साथै, माइतीघरमा सडक अवरुद्ध गर्न खोजेपछि १० जनालई नियन्त्रणमा लिएको थियो ।