नवीकरण भएन नेफ्स्कूनका सिइओको करार सम्झौता

काठमाडौं : नेपाल बचत तथा ऋण केन्द्रीय सहकारी संघ (नेफ्स्कून) का प्रमुख कार्यकारी अधिकृत (सिइओ) प्रकाशप्रसाद पोखरेलको करार सम्झौता नवीकरण नहुने भएको छ । आज बसेको नेफ्स्कून सञ्चालक समितिको बैठकमा सिइओको करार सम्झौता नविकरण गर्ने वा नयाँ सिइओ नियुक्ती गर्ने भन्ने विषयमा छलफल नै भएन । पोखरेलको कार्यकाल यही महिना सकिदै छ ।

आजको बैठकको एजेण्डामै सिइओको विषय नपरेपछि पोखरेलको करार सम्झौता नवीकरण नहुने पक्का भएको हो ।

२०७६ असार १ गते नायव प्रमुख कार्यकारी अधिकृत पदमा नेफ्स्कून प्रवेश गरेका पोखरेल २०७७ साउन १ गते का.मु. सिइओमा नियुक्त भएका थिए । पोखरेल २०७८ मंसिरमा सिइओ बनेका थिए ।
कार्यकाल सकिने मिति नजिकिदै गर्दा सिइओ पोखरेल बिदामा बसेका छन् ।

सिइओ बिदामा बसेपछि निमित्त प्रमुख कार्यकारी अधिकृतको जिम्मा सञ्जयराज तिमिल्सीनाले पाएका छन् ।