समदर्शी सहकारीको ढुकुटी रित्याएर अध्यक्ष सम्पर्कविहिन

काठमाडौं : गोकर्णेश्वर-६, काठमाडौं स्थित समदर्शी उपभोक्ता सहकारी संस्थाका अध्यक्ष सम्पर्कविहिन बनेका छन् । संस्थामा जम्मा भएको रकम लिएर संस्थाका अध्यक्ष सूर्य बहादुर घिमिरे सम्पर्कविहिन बनेका हुन् ।
संस्थाको ढुकुटी रित्याएर सम्पर्कविहिन बनेपछि संस्थाका अन्य सञ्चालकहरुले नियमनकारी निकायमा उजुरी दिएका छन् ।

संस्थाका उपाध्यक्ष, सचिव, कोषाध्यक्ष, सञ्चालक लगायत ८ जनाले बागमती प्रदेश सरकारको पर्यटन, उद्योग तथा सहकारी मन्त्रालयमा कानुनी कारबाही गर्नको लागि उजुरी दिएका हुन् ।