सहकारीको ऋण नतिर्नेको नाम सार्वजनिक गर्ने वडा कार्यालयको चेतावनी

नुवाकोट : बिदुर नगरपालिका वडा नं. ७ का सहकारीले सदस्यले समयमै ऋण नतिरेपछि वडा कार्यालयको सहयोग मागेका छन् ।

सहकारी संस्थाहरुका साथै अन्य सार्वजनिक संघ/संस्थाहरुले ऋणी सदस्यलाई ऋण तिर्न ताकिता गर्दापनि अटेरी गरेपछि वडा कार्यालयलाई गुहारेका हुन् ।

७ नं. वडा कार्यालयले बिहीबार एक सूचना प्रकाशित गरेर त्यस्ता ऋणीलाई यथाशिघ्र सम्बन्धित सहकारी र सार्वजनिक संघ/संस्थामा सम्पर्क गरेर ऋण तिर्न अनुरोध गरेको हो । वडा कार्यालयले आफ्नो अनुरोध अवज्ञा गरेर सम्बन्धित सहकारी र सार्वजनिक संघ/संस्थाको सम्पर्कमा नजाने ऋणीको नाम सार्वजनिक गर्ने चेतावनी दिएको छ ।