सहयात्री सहकारीका तीन सदस्यलाई आर्दश बुहारी सम्मान

काठमाडौं : मीनभवन काठमाडौं स्थित सहयात्री बचत तथा ऋण सहकारी संस्थाले सदस्यहरुको बीचबाट आर्दश बुहारी सम्मान गरेको छ ।

अन्तर्राष्ट्रिय परिवार दिवसको अवसरमा परिवारको सद्भाव र जिम्मेवारीलाई सर्वोत्कृष्ट तरिकाले बहन गरी उदाहरणीय कर्म गर्ने बुहारीहरुलाई संस्थाले सम्मान गरेको हो । संस्थाले मनिका आचार्य, गोमा डोटेल र राधिका पुडासैनीलाई आदर्श बुहारी सम्मान प्रदान गरेको हो ।

संस्थाका सदस्य राधादेवी ढुंगानाको अध्यक्षतामा सम्पन्न कार्यक्रममा कागेश्वरी मनोहरा नगरपालिका उपप्रमुख शान्ता थापाको प्रमुख आतिथ्यता रहेको थियो । कार्यक्रममा संस्थाका अध्यक्ष खेमराज सुवेदीले समाजमा उदाहरणीय कर्म गर्ने सदस्यलाई सम्मान गर्न पाउँदा संस्था गौरवान्वित भएको बताए ।

कार्यक्रममा कागेश्वरी मनोहरा नगरपालिका वडा नं. ९ का वडा अध्यक्ष अनिल थापा, जनप्रतिनीधीहरु, वडा सचिव, सञ्चालक समिति, केन्द्र प्रमुख, शेयर सदस्य तथा कर्मचारीहरूको उपस्थिती रहेको थियो ।

२०६३ सालमा स्थापित सहयात्री सहकारीमा ५ हजार १ सय ७ जना सदस्य आवद्ध छन् । काठमाडौं, ललितपुर र भक्तपुर जिल्ला कार्यक्षेत्र रहेको संस्थाको कुल वासलात ३३ करोड रुपैयाँ रहेको छ ।