किसान बहुउद्देश्यीय सहकारीको कोषमा मात्रै ७९ करोड

कैलाली : लम्कीचुहा-१, कैलालीमा प्रधान कार्यालय रहेको किसान बहुउद्देश्यीय सहकारीले २०७९ चैत्र मसान्त सम्मको अपरिष्कृत वित्तीय सार्वजनिक गरेको छ ।

संस्थाले जारी गरेको वित्तीय विवरण अनुसार सेयर पुँजी ३८ करोड ४७ लाख १२ हजार पाँच सय रुपैयाँ रहेको छ । संस्थासँग जगेडा कोषमा २० करोड ६१ लाख २ हजार ६ सय २८ रुपैयाँ र अन्य विभिन्न कोषहरुमा ५९ करोड ३८ लाख ४२ हजार ५ सय २२ रुपैयाँ रहेको छ ।

संस्थामा ७८ हजार ६ सय ५३ सदस्यको ३ अर्ब ४८ करोड ४० लाख ३ सय २४ रुपैयाँ बचत रहेको छ भने ३५ हजार ८ सय १० जनाले ४ अर्ब २७ करोड ४२ लाख १९ हजार ३ सय ३८ रुपैयाँ कर्जा लिएका छन् । ५ अर्ब २६ करोड ८१ लाख ९० हजार ९ सय ८१ रुपैयाँ कुल सम्पत्ती रहेको संस्थासँग ६४ करोड १७ लाख ४८ हजार ९९ रुपैयाँ लगानी योग्य रकम (तरलता) अर्थात् २१.०५ प्रतिशत रहेको छ ।

संस्थाले १ प्रधान कार्यालय र ४१ वटा सेवा केन्द्रमार्फत सदस्यहरुलाई सेवा प्रवाह गर्दै आएको छ । संस्थाको ४ वटा कोप एग्रो युनिट र ३ वटा कोप मार्ट समेत सञ्चालन गरेको छ ।