सहकारीले पनि घटाउन थाल्यो ब्याजदर

काठमाडौं : बैंक तथा वित्तीय संस्थाले ब्याजदर घटाएसँगै सहकारीले पनि घटाउन थालेको छ । बैंक तथा वित्तीय संस्थाले बैशाख १ गतेदेखि बचत र कर्जा दुबैमा ब्याजदर घटाएको थियो ।

काठमाडौंको थानकोट स्थित चन्द्रागिरि बचत तथा ऋण सहकारी संस्थाले पनि कर्जाको ब्याजदर घटाएको छ । संस्थाले ०.२५ प्रतिशत ब्याजदर घटाएको हो ।

संस्थाले नियमित बचत र आवधिक बचतमा भने कुनै हेरफेर गरेको छैन । संस्थाले कर्जामा न्युनतम १४ देखि १५.७५ प्रतिशत ब्याजदर तोकेको छ ।