दोस्रो वर्षमा आर्वा बहुउद्देश्यीय सहकारी, स्थापना दिवसमा सप्ताहव्यापी कार्यक्रम

कास्की : पोखरा-१३, स्थित श्री आर्वा बहुउद्देश्यीय सहकारी संस्था आजदेखि दोस्रो वर्षमा प्रवेश गरेको छ । पहिलो बार्षिकोत्सब तथा स्थापना दिवस संस्थाले सप्ताहव्यापी कार्यक्रम गरी मनाउन लागेको छ। चैत्र ६ गतेदेखि १२ गतेसम्म विविध कार्यक्रम गरी पहिलो बार्षिकोत्सब तथा स्थापना दिवस मनाउन लागेको हो।

जस अनुरुप ६ गते माध्यमिक बिद्यालय निबन्ध लेखन प्रतियोगिता आयोजना गरिएको छ । उक्त कार्यक्रमको संयोजकमा संस्थाकी सदस्य बिन्दु बराल रहेकी छिन् । त्यस्तै ७ गते सरसफाई कार्यक्रम, ८ गते दीन दुःखीलाई सहयोग गर्ने, ९ गते अन्तर्कृया कार्यक्रम, १० गते बृहत रक्तदान कार्यक्रम गर्ने संस्थाले जनाएको छ ।

त्यस्ते ११ र १२ गते पाठेघरको मुखको क्यान्सर सम्बन्धि महिला सचेतना कार्यक्रम आयोजना गरिएको संस्थाका अध्यक्ष अध्यक्ष नवीन बरालले जानकारी दिए । सप्ताहव्यापी कार्यक्रमको अन्तिम कार्यक्रमको रुपमा १२ गते जेष्ठ नागरिक सम्मान तथा समापन कार्यक्रम रहेको संस्थाका सचिव शोभित बराल जानकारी दिए।