सहकारीखबरका सम्पादक श्रेष्ठ सम्मानित

काठमाडौं : काठमाडौं जिल्ला बहुउद्देश्यीय सहकारी संघले पत्रकारिताको माध्यमबाट सहकारी क्षेत्रको विकास र प्रवद्र्धनमा पुर्याएको योगदानको कदर गर्दै सहकारीखबरका सम्पादक काजी श्रेष्ठलाई सम्मान गरेको छ ।

शनिबार सम्पन्न संघको ८ औं वार्षिक साधारण सभाको अवसरमा श्रेष्ठलाई सम्मान गरेको हो । संघका अध्यक्ष मनोजकुमार थापा मगर र राष्ट्रिय सहकारी महासंघका अध्यक्ष मीनराज कडेलले संयुक्त रुपमा सम्पादक श्रेष्ठलाई सम्मान गरेको हो ।

सम्पादक श्रेष्ठ १२ वर्षदेखि पत्रकारितामा क्रियाशिल छन् । श्रेष्ठ नेपाल सहकारी पत्रकार समाज (सीजेएन)का अध्यक्ष समेत हुन् ।