बैंकको ब्याजदर १.१३ प्रतिशतले घट्ने निश्चित, सहकारीलाई थप सहज हुने

काठमाडौं : माघ महिनामा बैंकहरुको ब्याजदर घट्ने भएको छ । नेपाल बैंकर्स संघले बुधबार साँझ छलफल गरी ब्याजदर घटाउने निर्णय गरेका हुन् ।

माघ महिनाका लागि १.१३ प्रतिशतको दरले ब्याजदर घटाउने निर्णय गरेको हो । घटेको ब्याजदर माघ १ गतेदेखि लागू हुनेछ ।

माघ महिनादेखि निक्षेपको ब्याजदर ११ प्रतिशत र संस्थागत निक्षेपको ब्याजदर ९ प्रतिशतमा झर्ने छ । पुससम्मका लागि बैंकहरुले व्यक्तिगत निक्षेपको ब्याजदर १२.१३३ र संस्थागत निक्षेपमा १०.१३३ प्रतिशत ब्याज लिँदै आएका छन् ।

बैंकहरुको ब्याजदर घट्दा सहकारीमा निक्षेप बढ्ने निश्चित छ । बैंकहरुले ब्याजदर बढाउँदा सहकारी परेको असर अब विस्तारै सहज हुने देखिएको छ ।