लैंगिक हिंसाविरुद्धको अभियान चलाउन दुई सहकारीलाई नगद सहयोग

दाङ : लैंगिक हिंसाविरुद्धको १६ दिने अभियानमा सचेतना जगाउन भन्दै राप्ती गाउँपालिका अध्यक्ष प्रकाश विष्टले दुई वटा सहकारी संस्थालाई १५/१५ हजार रुपैयाँ सहयोग गरेका छन् ।

अध्यक्ष विष्टले राप्ती–३, मसुरियास्थित भृकुटी महिला विकास सहकारी संस्था र राप्ती–८ पिपरीस्थित लक्ष्मी महिला विकास सहकारी संस्थालाई १५/१५ हजारको दरले ३० हजार रुपैयाँ सहयोग गरेका हुन् ।

आफूले पाउने मंसिर महिनाको सेवा सुविधाबाट सहयोग गरेको बताए ।

‘सभ्य समाजको पहिचान: लैंगिक हिंसा विरुद्धको अभियान’ भन्ने मूल नाराका साथ राप्ती गाउँपालिकाको सभाहलमा आयोजित लैंगिक हिंसा विरुद्धको १६ दिने अभियानको कार्यक्रममा अध्यक्ष विष्टले उक्त रकम बराबरको चेक हस्तान्तरण गरेका हुन् ।

लैंगिक हिंसा अन्त्यका लागि परिवार तथा समाजमा सचेतना फैलाउन जरुरी रहेको भन्दै त्यसका लागि सहकारीको अहम् भूमिका रहनु पर्ने बताए ।