जनउत्थान सहकारीमा प्रयाप्त तरलता (१९.४५%) हुँदा अन्य वित्तीय विवरण कस्तो छ?

रुपन्देही : तिलोत्तमा-१५ कोटिहवा, रुपन्देही स्थित जनउत्थान बचत तथा ऋण सहकारी संस्था लिमिटेडले कार्तिक महिनाको वित्तीय विवरण सार्वजनिक गरेको छ । सहकारी विभागको २०७९ साउन ३१ गतेको निर्देशन बमोजिम संस्थाले कार्तिक महिनाको वित्तीय विवरण सार्वजनिक गरेको हो ।

संस्थाले सार्वजनिक गरेको वित्तीय विवरण अनुसार कार्तिक मसान्तसम्म शेयरपुँजी २९ करोड १३ लाख ४ हजार ७ सय रुपैयाँ, जगेडा कोष २३ करोड ७४ लाख ७६ हजार ७ सय ७८ रुपैयाँ, कुल बचत २ अर्ब ३८ करोड ६८ लाख ३२ हजार ३ सय ३५ रुपैयाँ र ऋण लगानी २ अर्ब ५२ करोड ५ लाख १५ हजार ९ सय ९८ रुपैयाँ रहेको छ ।

त्यस्तै कर्जा जोखिम कोषमा ४ करोड ९३ लाख ७ हजार ३ सय ४८ रुपैयाँ रहेको छ भने तरलता रकम ४६ करोड ४३ लाख ६९ हजार २ सय ६७ रुपैयाँ (१९.४५ प्रतिशत) रहेको संस्थाले प्रकाशित गरेको विवरणमा उल्लेख छ ।

संस्थाका ३८ हजार ४ सय २० जना सदस्य रहेका छन् भने ९ हजार ९ सय ५० जनाले संस्थाबाट ऋण लिएका छन् ।

संस्थाको कुल सम्पत्ती ३ अर्ब ९ करोड २६ लाख १७ हजार २ सय ९० रुपैयाँ रहेको छ ।

असोज मसान्तमा संस्थाको तरलता ४१ करोड रुपैयाँ रहेको थियो ।

 

संस्थाले कार्तिक ५ गते १७ औं वार्षिक साधारण सभा सम्पन्न गरेको थियो । उक्त साधारण सभाबाट सदस्यहरुलाई १६ प्रतिशत शेयर लाभान्स दिने निर्णय गरेको थियो ।

सभाले गत आर्थिक वर्ष २०७८/७९ को १०.११ करोड शुद्ध मुनाफा सहितको आय व्यय विवरण र आगामी आर्थिक वर्ष २०७९/८० मा १२.३४ करोड शुद्ध मुनाफा र ३६३ करोड कुल वासलात पु¥याउने लक्ष्य सहितको अनुमानित आय व्यय पारित गरेको छ । संस्थामा हाल ७८ जना कर्मचारीहरु कार्यरत छन् भने रुपन्देही जिल्ला भरिको विभिन्न जम्मा १४ वटा ठाउँबाट सदस्यहरुलाई सेवा प्रदान गर्दै आइरहेको छ ।

३१ जनाले सयरसय रुपैयाँ उठाएर बाग्लुङ सामुदायिक संस्थाबाट शुरु भई २०६२ पौष १ गते जनउत्थान बचत तथा ऋण सहकारी संस्था लि। को रुपमा दर्ता भएको थियो । हालसम्म जनउत्थान साकोस, पहुँच महिला साकोस, गौमुखि साकोस, बुद्ध बहुउद्देश्यीय सहकारी, पटाकसार साकोस, सुदृढ साकोस र सगोल महिला साकोस गरी हालसम्म ७ वटा सहकारीहरु एकिकरण भैसकेको छ ।