तरलता संकट थेग्न नसकेपछि पोखराको सूर्यदर्शन सहकारी बन्द

कास्की : पोखरा स्थित सूर्यदर्शन बचत तथा ऋण सहकारी संस्थाले कारोबार बन्द गरेको छ । पछिल्लो समय संस्थामा तरलता संकट देखिएको र उक्त संकट थेग्न नसकेपछि संस्था बन्द भएको हो ।

संस्थाले आईतबार (असोज ३० गते) सूचना जारी गर्दै संस्थाको सम्पूर्ण कारोबार पूर्ण रुपमा बन्द गरेको हो । विगत लामो समयदेखि सदस्यको बचत फिर्ता गर्न संस्थाले सकेको छैन । संस्थाले वार्षिक साधारण सभा तिहारपछि गर्ने कार्यक्रम तय गरेको थियो । साधारण सभापछि कारोबार खुला गर्ने योजना संस्थाको छ । तर, साधारण सभाको मिति भने संस्थाले उल्लेख गरेको छैन ।

संस्थाले कारोबार बन्द गरेसँगै सदस्यहरुको रुवाबासी चलेको छ । अधिकांश सदस्यको सम्पर्कमा संस्थाका सञ्चालक नरहेको बुझिएको छ ।

सदस्यबाट उठाएको बचत केही निश्चित व्यक्तीहरुको चलाएका कारण संस्था संकटमा गएको बुझिएको छ ।