राष्ट्रिय सहकारी बैंकमा भित्रियो २ अर्ब, सहकारीमा तरलता सहज बन्दै

काठमाडौं : दसैंपछि सहकारीमा तरलता अवस्था सहज बन्दै गएको पाईएको छ । दसैंपछिको ५ दिनमा सहकारी क्षेत्रको एक मात्र बैंक राष्ट्रिय सहकारी बैंकमा २ अर्ब रुपैयाँ निक्षेप भित्रिएको छ ।

बैंकका अध्यक्ष के.बी. उप्रेतीका अनुसार दसैंपछि बैंकमा हरेक दिन निक्षेप बढीरहेको र यसले सहकारीमा तरलता अवस्था सहज हुँदै गएको उनको भनाई छ ।

‘आईतबारदेखि बिहीबार सम्ममा २ अर्बभन्दा बढी निक्षेप सहकारी बैंकमा थपिएको छ, हरेक दिन जसो ५० करोडले निक्षेप बढेको छ’, शुक्रबार शुक्रपथ बहुउद्देश्यीय सहकारीको साधारण सभामा उप्रेतीले भने, ‘१४ प्रतिशत तरलताबाट २० प्रतिशत तरलता पुगेको छ ।’

सहकारी संस्थामा निक्षेप बढे मात्रै सहकारी बैंको निक्षेप बढ्ने भएकाले असहज परिस्थितीबाट सहजतर्फ उन्मुख भएको उप्रेतीको भनाई थियो ।