हजुरको त्रिवेणी र जनशक्ति कृषिबीच एकीकरण भएर बन्यो भद्रबास साकोस

काठमाडौं : हजुरको त्रिवेणी बचत तथा ऋण सहकारी संस्था र जनशक्ति कृषि बचत तथा ऋण सहकारी संस्था बीच एकीकरण भएको छ ।

भूमि व्यवस्था, सहकारी तथा गरिबी निवारण मन्त्रालय बागमती प्रदेशले मंगलबार एकीकरणको प्रमाण पत्र हस्तान्तरण गरेसँग एकीकरणले पूर्ण रुप लिएको हो ।

एकीकरणपछि संस्थाको नाम भद्रबास बचत तथा ऋण सहकारी संस्था, कागेश्वरी मनोहरा नगरपालिका–३, काठमाडौं कायम भएको छ । संस्थाको दर्ता मिति भने २०५८ भदौ १ गते कायम भएको छ ।

संस्थाको संयुक्त साधारण सभा असोज १० गते सम्पन्न गरेको थियो । एकीकरणपछि संस्थाको अध्यक्षमा शालिकराम पुडासैनी चयन भएका छन् ।