श्री लालीगुराँस बहुउद्देश्यीय सहकारी २४ औं वर्षमा

काठमाडौं : ललितपुर पुल्चोकमा मुख्य कार्यालय रहेको श्री लालीगुराँस बहुउद्देश्यीय संस्था २४ औं वर्षमा प्रवेश गरेको छ । कारोबार सञ्चालन अवधिको २३औं वर्ष पूरा गरी आज (मिति २०७९ असोज १५ गते) दखि २४औं वर्षमा प्रवेश गरेको संस्थाले जनाएको छ ।

सहकारी क्षेत्रमा कुल कारोबार, चुक्ता पूँजी, मुनाफा आर्जन तथा नेपाल सरकारलाई राजश्वमा गरेको योगदानमा अग्रणी स्थानमा रही आफ्ना सदस्यहरुलाई उत्कृष्ट तथा विश्वसनीय सेवा प्रदान गर्न पाउँदा गौरवान्वित भएको संस्थाले जनाएको छ ।

संस्थाले शेयर सदस्य तथा शुभेच्छुक महानुभावहरुमा आभार प्रकट समेत गरेको छ । आगामी दिनहरुमा पनि निरन्तर रुपमा स्तरीय एवम् विश्वसनीय सेवा प्रदान गर्दै जाने प्रतिबद्धता संस्थाले व्यक्त गरेको छ ।