जेष्ट आइडियाेलाेजी सहकारीले १५ प्रतिशत लाभांश दिने, काेष हिसाब ४८.४७ ले वृद्धि

काठमाडौं : जेष्ट आइडियाेलाेजी बचत तथा ऋण सहकारी संस्थाले सदस्यलाई १५ प्रतिशत लाभांश दिने भएकाे छ । शुक्रबार सम्पन्न संस्थाको १३ औं वार्षिक साधारण सभाले १५ प्रतिशत लाभांश दिने सञ्चालक समितिको प्रस्ताव पारित गरेकाे हाे ।

आर्थिक वर्ष २०७८/०७९ मा संस्थाले समग्र वित्तीय सुचकहरुमा उल्लेख वृद्धि गर्न सफल भएकाे छ । आर्थिक वर्ष २०७७/०७८ मा ९ कराेड ९४ लाख ३६ हजार ५०० रुपैयाँ सेयर पुँजी रहेकाे संस्थाकाे आर्थिक वर्ष २०७८/०७९ मा ४.२६ प्रतिशतले वृद्धि भई १० कराेड ३६ लाख ८० हजार ९०० रुपैयाँ कायम भएकाे छ । त्यस्तै आ. व. २०७८/०७९ मा निक्षेप संकलन १३.३४ प्रतिशतले वृद्धि भई १ अर्ब ६६ कराेड २१ लाख २३ हजार ५ सय ९५ रुपैयाँ, काेष हिसाब ४८.४७ प्रतिशतले वृद्धि भई १६ कराेड ६६ लाख ८६ हजार ९ सय ९९ रुपैयाँ कायम भएकाे छ ।

संस्थाकाे कर्जा जाेखिम काेष २५.१३ प्रतिशतले वृद्धि भई ८ कराेड ७४ लाख ४९ हजार १ सय ८४ रुपैयाँ कायम भएकाे छ । त्यस्तै संस्थाले २ अर्ब ४ कराेड ४६ लाख ८५ हजार ५३ रुपैयाँ कर्जा लगानी गरी ६ कराेड ९ लाख ४७ हजार ७ सय ६१ रुपैयाँ नाफा (कर अघिकाे) गर्न सफल भएकाे छ । याे नाफा अघिल्लो आ. व. काे तुलनामा ४७ प्रतिशतले वृद्धि भएकाे हाे । संस्थाकाे कुल सम्पत्ति २ अर्ब ३८ कराेड ५४ लाख २८ हजार ५ सय ६५ रुपैयाँ रहेकाे छ । अघिल्लो आ. व. काे तुलनामा संस्थाकाे कुल सम्पत्तिमा १८.४४ प्रतिशतले वृद्धि भएकाे छ । संस्थाकाे बाह्य ऋण तथा सापटी ३१ करोड ८३ लाख ११ हजार ९५ रुपैयाँ रहेकाे छ ।