ललितपुर बचत संघमा श्यामकृष्णको शानदार जीत

ललितपुर : ललितपुर जिल्ला बचत तथा ऋण सहकारी संघको निर्वाचनमा बालेन शैलीमा श्यामकृष्ण महर्जनले जीत हासिल गरेका छन् ।

संघको निर्वाचनमा दुई वटा प्यानल बनेको थियो । तर, श्यामकृष्ण महर्जन एक्लै उठेर सचिवमा जित हासिल गरेका छन् । उनी निवर्तमान सचिव समेत हुन् ।

रामहरि बजगाई नेतृत्वको टिम र नरेन्द्र महर्जनको टिममा नपरेपछि उनले स्वतन्त्र उम्मेदवारी दिएका थिए ।

संघको निर्वाचनमा नेकपा एमाले, माओवादी केन्द्र र नेकपा (एकीकृत समाजवादी) निकट सहकारीकर्मीहरुको प्यानल र नेपाली कांग्रेस निकट सहकारीकर्मीहरु प्यानल बनेको थियो । तर, दुबै प्यानलको उम्मेदवारलाई हराउँदै महर्जनले बाजी मारेका छन् ।

महर्जनले १९२ मत प्राप्त गरेर जीत हात पार्दा उनका प्रतिद्वन्द्वी राजु ताम्राकारले ६९ र दिपक घिमिरेले ९८ मत ल्याए ।