सहकारीको नाफामा लाग्ने आयकर वृद्धि फिर्ता

काठमाडौं : सरकारले आर्थिक ऐन २०७९ मा संशोधन गर्दै सहकारी संस्थाको नाफामा लाग्ने आयकर घटाएको छ । आ.व. २०७९/८० को बजेटबाट आयकर वृद्धि भएको थियो ।

सहकारी संस्थालाई कर छुट हुने बाहेकको कारोबारमा यसअघि नगरपालिका क्षेत्रभित्र ७.५ प्रतिशत, उपमहानगरपालिकाभित्र १० प्रतिशत र महानगरपालिकाभित्र १५ प्रतिशत आयकर लाग्ने व्यवस्था गरेको थियो ।

सरकारले आर्थिक ऐन २०७९ मा संशोधन गर्दै त्यसलाई घटाई नगरपालिका क्षेत्रभित्रका सहकारीको कारोबारमा ५ प्रतिशत, उपमहानगरपालिका भित्रका सहकारीको कारोबारमा ७ प्रतिशत र महानगरपालिकाभित्रका सहकारीमा १० प्रतिशत आयकर लाग्ने व्यवस्थागरेको हो ।