धमिलिएको सहकारी अभियानलाई सङ्ल्याउने काम गर्नुपर्छ : ढकाल

काठमाडौं : नेपाल बचत तथा ऋण केन्द्रीय सहकारी संघ (नेफ्स्कून)का वरिष्ठ उपाध्यक्ष चन्द्र प्रसाद ढकालले सहकारीमा बजारमा चर्चा गरेजति समस्या नरहेको बताएका छन् ।

नेपाल सहकारी पत्रकार समाज (सिजेएन)को १२ औं स्थापना दिवसको अवसरमा आयोजिक कार्यक्रममा शुभकामना मन्तव्य राख्दै ढकालले सहकारी अभियानमा सुधारको आवश्यकता औंल्याउँदै मिडियाले धमिलिएको सहकारी अभियानलाई सङ्ल्याउने काम गर्नुपर्ने भनाई राखे ।

नेफ्स्कूनका कार्यवाहक अध्यक्ष समेत रहेका ढकालले भने, ‘सहकारीमा फरकखालको स्थिति देखा परेकाले अभियान धमिलिएको छ । सहकारीलाई सुशासनमा ल्याएर करेक्सन गर्नैपर्छ ।’

अभियान चलायमान भन्दा पनि सदस्य केन्द्रित सेवा दिन सके प्रभावकारी हुने उनको भनाइ छ । उनले सहकारीमा संख्यात्मक वृद्धिभन्दा पनि गुणात्मक वृद्धि हुनु पर्ने बताए ।