समयमै समस्याग्रस्त घोषणा नर्गदा समस्या, १४१ सहकारी समस्याग्रस्त घोषणा गर्न बाँकीः महालेखा

काठमाडौं : सरकारले समयमै सहकारीहरु समस्याग्रस्त घोषणा नगर्दा थप समस्या उत्पन्न भएको महालेखाले जनाएको छ ।

समयमै समस्याग्रस्त घोषणा नगरेको वा ढिलो घोषणा गरेको कारण सहकारीहरुबाट उठ्न सक्ने रकम पनि नउठ्ने अवस्था उत्पन्न भएको जनाएको छ ।

सरकारले १२ वटा मात्र सहकारी समस्याग्रस्त घोषणा गरेको र १४१ वटा समस्याग्रस्त घोषणा नगरेकोको महालेखाले प्रश्न उठाएको छ ।

महालेखापरीक्षको ५९ औ बार्षिक प्रतिवेदन अनुसार बचत हिनामिना गरी हाल कारबाहीमा परेको एक सहकारीलाई समेत समस्याग्रस्त घोषणा नगरेको भन्दै महालेखाले सरकारलाई प्रश्न उठाएको छ ।

सहकारी विभागको निरिक्षणमा ऐन विपरित कार्य गरी आर्थिक संकटमा परेका सहकारीलाई समस्याग्रस्त संस्था घोषणा नगरेको समेत प्रतिवेदनमा उल्लेख गरेको छ ।