राजश्व विभागले कार्यालयलाई भन्यो, ‘समष्टिगत विवरण भर्ने सहकारीलाई मात्र कर चुक्ता दिनु’

काठमाडौं : सहकारी तथा गरिवी निवारण सूचना प्रणाली (कोपोमिसमा) समष्टिगत विवरण नबुझाउने सहकारीलाई आन्तरिक राजस्व विभागले कर चुक्ताको प्रमाण पत्र नदिने भएको छ ।

विभागले ठूला करदाता कार्यालय, मध्यमस्तरीय करदाता कार्यालय, आन्तरिक राजश्व कार्यालयहरु र करदाता सेवा कार्यालयहरुलाई परिपत्र गर्दै समष्टिगत विवरण नबुझाउने सहकारीलाई कर चुक्ताको प्रमाणपत्र नदिन भनेको हो ।

संघिय सहकारी विभागले आन्तरिक राजश्व विभागमा पत्र पठाएर कोपोमिसमा समष्टिगत विवरण बुझाएको प्रमाणपत्र पेश गरेपछि मात्र करचुक्ता दिन आग्रह गरेको थियो । सहकारी विभागको आग्रह अनुसार राजश्व विभागले आफु मातहतका कार्यालयहरुलाई परिपत्र गरेको हो ।

अब सहकारीले समष्टिगत विवरण बुझाएपछि प्राप्त हुने समिसन नम्बर पेश गरेपछि मात्र कर कार्यालयबाट करचुक्ता प्रमाणपत्र पाउनेछन् ।