थप चार सहकारी संस्था कालोसूचिमा

काठमाडौं : कर्जा सूचना केन्द्रले थप चार वटा सहकारी संस्थालाई कालो सूचिमा राखेको छ । कर्जा सूचना केन्द्रको तथ्यांक अनुसार नौ दिनमै चार वटा सहकारी कालोसूचीमा परेका हो ।

बैंक तथा वित्तीय संस्थाबाट ऋण लिएकाहरूले समयमै कर्जा फर्छ्यौट गर्न नसक्ने व्यक्ति तथा संस्थाहरूलाई कर्जा सूचना केन्द्रले कालोसूचीमा राख्ने गर्छ । राष्ट्रिय सहकारी बैंक लगायत अन्य निकायबाट लिएको ऋण तिर्न नसकेका कारण थप चार वटा सहकारी संस्थाहरु कालोसूचीमा परेका हुन् ।

कर्जा सूचना केन्द्रले असार ८ गते धादिङ स्थित तिरिमिरी बचत तथा ऋण सहकारी संस्थालाई कालोसूचिमा राखेको छ । हाल यो संस्था अस्थित्वमा छैन । त्यस संस्था संग सम्बन्धीत व्यक्तीहरुमा अञ्जु श्रेष्ठ, इन्दिरा बस्नेत, लोकनाथ दल्लकोटी, माधव कुमार सिग्देल, प्रकाश भट्ट र सुमन कुमार श्रेष्ठ रहेका छन् ।

त्यस्तै असार ९ गते स्मृति बचत तथा ऋण सहकारी संस्थालाई पनि कालोसूचिमा राखेको छ । यस संस्था सँग सम्बन्धीत व्यक्तीहरुमा विष्णु शर्मा र देबेन्द्र श्रेष्ठ रहेका छन् ।

त्यस्तै असार १० गते सरसपाट बचत तथा ऋण सहकारी र नवराजधानी सहकारी संस्था पनि कालो सूचिमा परेको छ । सरसपाट सँग सम्बन्धीत व्यक्तीहरुमा गोपाल प्रसाद धमला, जानकी श्रेष्ठ, पद्म महर्जन, संगीता कार्की, शेरबहादुर मगर र सीताराम कार्की रहेका छन् भने नवराजधानी सँग सम्बन्धीत व्यक्तीहरुमा अजय पण्डित, सगुन पाण्डे र सुरेन्द्र अमात्य रहेका छन् ।

यो पनि पढ्नुहोस्

एक महिनामै ५ सहकारी ब्ल्याक लिष्टेड (संस्था र सम्बद्ध व्यक्तिको नामसहित)