पोखरा रोयलको शौचालय सर्वसाधारणका लागि खुला

कास्की : सार्वजनिक स्थलमा शौचालयको अभाव पूर्तीका लागि काठमाडौंबाट सुरु भएको अभियान देशका विभिन्न जिल्लामा समेत पुगेको छ ।

पोखरामा पनि सार्वजनिक शौचालयको अभाव खड्किरहेको अवस्थालाई मनन गर्दै पोखरा रोयल बचत तथा ऋण सहकारीले शौचालयलाई सार्वजनिक प्रयोजनका लागि खुला गरेको छ । बुद्धचोक स्थित संस्थाको मुख्य कार्यालय भवनमा रहेको शौचालयलाई सार्वजनिक प्रयोजनको लागि खुला गरिएको संस्थामा मुख्य प्रबन्धक मीलन ढकालले जानकारी दिनुभयो ।

शौचालय सर्वसधारणका लागि खुला गरिएको कुरा सामान्य लागे पनि जनताप्रतिको उत्तरदायित्व वहनका लागि मद्दत पुग्ने उहाँले बताउनुभयो ।