सहकारीमा बढेकाे आय करकाे दर घट्ने सम्भावना न्यून, विभागिय मन्त्री माैन

काठमाडौं : सरकारले आगामी आर्थिक वर्ष २०७९/०८० को बजेट मार्फत बढाएकाे सहकारीको आय करकाे दर घट्ने सम्भावना न्यून बनेको छ ।

प्रतिनिधि सभाको बैठकमा सांसदहरुले सहकारी ऐन विपरित सहकारी क्षेत्रमा लगाएको कर घटाउन माग भएकाे थियाे । तर, आयकर बढाएकाे विषयमा भूमि व्यवस्था, सहकारी तथा गरिबी निवारण मन्त्री शशी श्रेष्ठ मौन बसेकी छिन् ।

बजेटको विषयमा उठेका प्रश्नको विषयमा जवाफ दिने क्रममा मन्त्री श्रेष्ठले आय कर बढाएकाे बिषयमा केही जवाफ दिनुभएन । कर घटाउने विषयमा मन्त्रीले केही नबोलेपछि सांसद धनश्याम खतिवडाले पुरक प्रश्न गर्दै सहकारी क्षेत्रमा लगाइएको कर घटाउने विषयमा मन्त्रालयको धारणा माग गर्नुभएकाे थियाे । तर, मन्त्री श्रेष्ठ भने करकाे विषयमा केही जवाफ दिनुभएन ।

सहकारी ऐन विपरित सहकारी क्षेत्रमा कर लगाएको भन्दै सांसदहरुले कर पुरानै कायम गर्न माग गरेका थिए ।

सांसद खतिवडाले सहकारी स्थिरिकरण कोषको लागू हुनु निकै प्रभावकारी काम भएको बताउनुभयाे ।