शिखर साकोसले सर्वसाधरणलाई शौचालय प्रयोग गर्न दिने

झापा : बिर्तामोड बजारमा सार्वजनिक शौचालयको व्यवस्थापनका लागि छलफल भइरहँदा शिखर बचत तथा ऋण सहकारी संस्थाले सर्वसाधारणका लागि शौचालय प्रयोग गर्न दिने भएको छ ।

संस्थाले आईतबार सूचना जारी गर्दै सर्वसाधारणको लागि संस्थाको शौचालय प्रयोग गर्न दिने घोषणा गरेको छ । जिम्मेवार संस्था, समुदायमा सेवा भन्ने नाराका साथ संस्थाले यस्तो सेवा प्रदान गर्न लागेको हो ।

बिर्तामोड-४, भद्रपुररोडमा संस्थाको मुख्य कार्यालय रहेको छ । सोही कार्यालयमा रहेका शौचालय सर्वसाधरणको लागि पनि खुला गर्ने संस्थाले जनाएको छ ।

भद्रपुर बस स्टेण्डका यात्रु र अन्य ओहोरदोहोर गर्ने सर्वसाधारण नागरिकका लागि देख्ने गरी सूचना बोर्ड राखेर सुविधा प्रदान गरिने संस्थाका अध्यक्ष दीपेन्द्र राउते जानकारी दिनुभयो ।