११३८ नम्बरबाटै बजेटबारे सुझाव संकलन, सहकारी क्षेत्रबाट सुझाव किन नदिने?

काठमाडौं : अर्थ मन्त्रालयले आगामी आर्थिक बर्ष ०७९/८० को बजेट निर्माणमा सघाउ पुग्ने उद्देश्यले सञ्चालन गरेको टोल फ्रि नम्बर ११३८ बाट उत्साहजनक ढङ्गले सुझावहरु संकलन भएका छन् ।

देशभरका अधिकांश जिल्लाबाट सुझावहरु आएका छन् । अर्थ मन्त्रालय अहिले यी सुझावहरुको अध्ययन गरेर आगामी आबको बजेटमा समावेश गर्न खोजिरहेको छ । अर्थ मन्त्री जनार्दन शर्मा प्रभाकरले सबै क्षेत्रका जनताको सुझाव संकलन गर्ने उदेश्यले टोल फ्रि नम्बर ११३८ संचालनमा ल्याएको र त्यसमा आएको सुझावले आगामी आबको बजेट निर्माणमा महत्वपूर्ण योगदान गरिरहेको बताउनुभयो ।

अर्थमन्त्री शर्माको नेतृत्वमा अर्थ मन्त्रालय अहिले बजेट निर्माणमा केन्द्रित छ ।

यस नम्बरमा फोन गरेर सहकारी क्षेत्रको पनि सुझाव दिन सकिने छ । आगामी बजेटमा समावेश हुनुपर्ने कुराहरुमा फोन गरेर सुझाव दिन सकिने छ । धेरैभन्दा धेरै सुझाव गएको अवस्थामा ती कुरा बजेटमा समावेश गर्न सरकारलाई दबाब पर्नेछ ।