काँग्रेसको घोषणा पत्रः एकीकरण, व्यवसायीकरण र प्रविधिमैत्री सहकारीको परिकल्पना

काठमाडौं : नेपाली काँग्रेसले स्थानीय तह निर्वाचन–२०७९ को लागि आफ्नो घोषणापत्र सार्वजनिक गरेको छ । कांग्रेसले आज जारी गरेको घोषणा पत्रमा सहकारी क्षेत्रलाई उच्च प्राथमिता दिएको छ । घोषणा पत्रमा सहकारी सुशासन कायम गर्नेदेखि, प्रविधिमैत्री बनाउने, एकीकरणदेखि सहकारी कलेजसम्मको परिकल्पना गरेको छ ।

घोषणा पत्र अनुसार सहकारी क्षेत्रमा सुशासन कायम गरी मर्यादित बनाउन स्थानीय स्तरमा प्रभावकारी नियमन, सहकारी सङ्घ सस्थाहरुलाई एकीकरण गरी व्यवसायिकरण र गुणस्तर विकास, प्रविधिमैत्री सहकारी बनाउने उल्लेख गरिएको छ ।

सहकारी पूँजिलाई उत्पादनमूलक क्षेत्रमा परिचालन गर्ने, कृषिजन्य वस्तु मल, विउ, यन्त्र, उपकरण आदि सहकारी सङ्घ/संस्था मार्फत विक्री वितरण गर्ने व्यवस्थालाई व्यवस्थित र प्रभावकारी वनाउने उल्लेख गरिउको छ । त्यस्तै सहकारी विद्यालय, कलेज, स्वास्थ्य केन्द्र आदिको सञ्चालन गर्दा स्थानीय सरकारसँगको समन्वयमा गर्ने व्यवस्था मिलाउने उल्लेख गरिएको छ ।