५ सय सुत्केरी भैंसी र गाईलाई सहकारीको पोषण खर्च

पाल्पा : सीताकुण्ड दुग्ध उत्पादक सहकारी संस्थाले ५ सय बिमित गाई तथा भैंसीलाई एक हजार रुपैयाँको दरले सुत्केरी खर्च वितरण गरेको छ । संस्थाले बिमा गरेका सुत्केरी गाई तथा भैंसीको संख्याका आधारमा खर्च उपलब्ध गराइएको हो ।

संस्थाले रामपुर नगरपालिकाको सहकार्यमा उक्त रकम वितरण गरेको हो । यस कार्यक्रममार्फत ३ सय ६५ जना किसान लाभान्वित भएको संस्थाका अध्यक्ष कृष्णकुमार अर्यालले जानकारी दिनुभयो ।

रामपुर नगरपालिकाबाट विनियोजन भएको ५ लाखमार्फत प्रतिपशु १ हजारका दरले वितरण गरेको उनले बताए ।