हाम्रो एकीकृत साकोसका १ सय ४६ जना सदस्यलाई सहकारी शिक्षा

काठमाडौं : हाम्रो एकीकृत बचत तथा ऋण सहकारी संस्था सदस्य सेवा केन्द्र कीर्तिपुरमा सदस्य शिक्षा तथा स्वागत कार्यक्रम सम्पन्न भएको छ ।

संस्थाका कोषाध्यक्ष शरद वाग्लेको प्रमुख आतिथ्य तथा सदस्य सानुबाबु महर्जनको आतिथ्यमा १ सय ४६ सदस्यको उपस्थितिमा सदस्य शिक्षा तथा स्वागत कार्यक्रम सम्पन्न भएको हो ।

कार्यक्रममा प्रमुख अतिथि वाग्लेले वित्तीय साक्षरता सम्बन्धि शिक्षा, संस्थाले सदस्यहरुका निमित्त गर्ने सहयोग, सदस्यको संस्था प्रतिको दायित्व, सेवा केन्द्र उपसमितिले गर्ने कार्यहरु र हाम्रो एकीकृत बचत तथा ऋण सहकारीका संस्थाका ध्येय, परिकल्पना समेत प्रस्तुत गर्नुभएको थियो ।

संस्थाको का.मु. प्रमुख कार्यकारी अधिकृत सुरेश खत्रीद्वारा संस्थाका सेवाहरु, सदस्यको लागी संस्थाले गर्ने हेरचाह, सदस्यले संस्थाको लागी गर्ने गर्नुपर्ने सहयोग र अनिवार्य ब्तको ५० वर्षिय योजनको बारेमा प्रस्तुती दिनुभएको थियो ।

संस्थाका सदस्य सानुभाई महर्जनले संस्थाको लागी एक सदस्य भई गर्नुपर्ने योगदानको लागी सदैव तत्पर रहेको बताउनुभएको थियो । स्थानिय सदस्यहरुले संस्थाले दिने सेवा तथा सुविधालाई आशाको केन्द्रविन्दु भएको बताएका थिए ।