ठगीको आरोपमा भरोसा नेपाल सहकारीका अध्यक्ष र उपाध्यक्ष पक्राउ

काठमाडौं : सदस्यको ६ करोड २५ लाख रुपैयाँ ठगी गरेको आरोपमा सहकारी संस्थाका दुई सञ्चालक पक्राउ परेका छन् ।

ठगीको आरोपमा पुरानो बानेश्वरस्थित भरोसा नेपाल बहुउद्देश्यीय सहकारी संस्थाका अध्यक्ष सुरज बस्नेत र उपाध्यक्ष शिव पाण्डेलाई प्रहरीको केन्द्रीय अनुसन्धान ब्युरोले पक्राउ गरेको हो ।

संस्थामा जम्मा गरेको रकम हिनामिना गरेर कार्यालयमा ताला लगाएर फरार भएको १५ जना सदस्यको जाहेरीपछि पक्राउ गरेको प्रहरीले जनाएको छ ।

ब्युरोले अन्य बचतकर्तालाई उक्त सहकारीमा आफ्नो निक्षेप तथा ब्याज रकम नपाई कानुनी कारबाही गर्नुपर्ने भएमा सम्पर्क गर्न अनुरोध गरेको छ ।