चैत २५ र २६ गते सहकारी उद्यमशिलता युवा सम्मेलन हुँदै

काठमाडौं : राष्ट्रिय सहकारी महासंघको आयोजनामा चैत २५ र २६ गते सहकारी उद्यमशिलता राष्ट्रिय युवा सम्मेलन हुने भएको छ ।

होटल एभरेष्टमा हुने उक्त सम्मेलनमा एक सय ५० जना युवाको सहभागिता रहने जनाईएको छ ।

सहकारी क्षेत्रमा युवाको सहभागिता बढाउन सम्मेलन आयोजना गरिएको महासंघको भनाई छ । सम्मेलनमा सहभागिताको लागि नाम दर्ता समेत खुला गरिएको छ ।

सम्मेलनमा युवा लक्षित विभिन्न कार्यपत्र प्रस्तुत हुनेछ । महासंघले यस अघि युवा समावेशिता, उद्यमशीलता विषयमा पनि छलफल चलाएको थियो ।