सहकारीको ब्याजदर बढाउन तीन दिनको समय सिमा

काठमाडौं : राष्ट्रिय सहकारी महासंघले सहकारीको ब्याजदरको विषयमा सहकारीकर्मीहरु बीच छलफल गरेको छ ।

मंगलबार महासंघ कार्यालयमा गरिएको छलफलमा केन्द्रीय संघ र काठमाडौं उपत्यकाका जिल्ला संघका प्रतिनिधिहरुको उपस्थिती रहेको थियो ।

छलफलमा सहकारीकर्मीहरुले तत्काल सन्दर्भ ब्याजदर बढाउन सरकारलाई दबाब दिनु पर्ने धारणा राखेका थिए ।

महासंघका एक सञ्चालकमा अनुसार ब्याजदर निर्धारण गर्न तीन दिनको समय दिने र उक्त समयसिमा भित्र नयाँ ब्याजदर निर्धारण नभए आन्दोलन गर्ने छलफलले निश्कर्ष निकालेको बताए ।