सहकारी सचिवमा बलराम निरौला

काठमाडौं : बागमती प्रदेश भूमि व्यवस्था, गरिबी निवारण तथा सहकारी मन्त्रालयको सचिवमा बलराम निरौला नियुक्त हुनुभएको छ । नेपाल सरकारको माघ २३ गतेको मन्त्रिपरिषद् बैठकले निरौलालाई सचिवको जिम्मेवारी दिएको हो । केही समय अघि मात्र सचिवमा बढुवा भएका निरौला सहकारी बुझेवा व्यक्ती हुनुहुन्छ ।

यस अघि निरौला प्रदेश १ सहकारी रजिष्ट्रार हुनुहुन्थ्यो । निरौलाले सहकारीको नियामक निकायहरुमा विभिन्न तहमा रहेर काम गरेको लामो अनुभव छ । तत्कालिन डिभिजन सहकारी कार्यालय काठमाडौं र ललितपुरमा प्रमुख भएर काम गर्नुभएको थियो ।