श्याम रानाको उपचारमा मित्र मिलन साकोसका सञ्चालक र कर्मचारीको सहयोग

पोखरा : मिलन बचत तथा ऋण सहकारी संस्थाका सदस्य श्याम रानाको उपचारको लागि संस्थाका सञ्चाल र कर्मचारीहरुले सहयोग गरेका छन् ।

स्याङ्जा स्थायी घर भई हाल पोखरा ९ नयाँबजारमा खाजाघर व्यवसाय गरी बस्ने रानाको दुबै मृगौला फेल भई पोखरा गण्डकी मेडिकल कलेजमा डायलोसिस गराईरहनु भएको छ ।

रानाको मृगौला प्रत्यारोपण गर्न सहयोग गर्ने उद्देश्यले संस्थाका संचालक तथा लेखा समितिबाट रकम २० हजार रुपैयाँ, प्रधान कार्यालय नयाँबजारमा कार्यरत कर्मचारीहरुबाट रकम १६ हजार ८ सय ५० र सदस्य सेवा केन्द्र कसेरीमा कार्यरत कर्मचारीहरुबाट रकम ६ हजार ५ सय संकलन गरी जम्मा रकम रु ४३ हजार ३ सय ५० रुपैयाँ हस्तान्तरण गरिएको छ ।

संकलित उक्त सहयोग रकम संस्थाका अध्यक्ष रमण पौडेलद्वारा एकमुष्ठ प्रदान गर्नुभएको हो ।