८ अर्ब सेयर पुँजी पुर्याउँदै राष्ट्रिय सहकारी बैंक

काठमाडौं : राष्ट्रिय सहकारी बैंकको सेयर पुँजी ८ अर्ब रुपैयाँ पुर्याईने भएको छ । हालको विनियममा ३ अर्ब रुपैयाँ मात्र कायम रहेको र १८ औं साधारण सभाबाट विनियम संशोधन गरेर ८ अर्ब रुपैयाँ कायम गरिने बैंकले जनाएको छ ।

बैंकको १८ औं एकाई साधारण सभा भोली (पुष १६ गते) सुदुरपश्चित प्रदेशको धनगढीबाट सुरु हुँदैछ । उक्त सभाले सेयर पुँजी वृद्धिको प्रस्ताव समेत पारित गर्नेछ ।

आर्थिक वर्ष २०७७/०७८ को असार मसान्त सम्ममा बैंकको सेयर पुँजी २ अर्ब ८७ करोड रहेको छ । बैंकको सेयर पुँजी वृद्धिको माग अत्याधिक रहेको र विनियममा ३ अर्ब रुपैयाँ मात्र कायम रहेको हुँदा बैंकले सेयर पुँजी बढाउन सकेको थिएन । केही समय देखि बैंकको सेयर बन्द छ ।

विनियम संशोधन भएपछि सेयर पुँजी वृद्धि गरिने बैंकका अध्यक्ष केबी उप्रेतीले जानकारी दिनुभयो । वाणिज्य बैंक सरह सेयर पुँजी पुर्याएर प्रतिस्पर्धा गर्ने उप्रेतीको भनाई छ ।