सहकारीकर्मीकाे भावना सम्मान हुनेगरी ब्याजदरकाे निष्कर्षमा पुग्छाैं: रजिस्ट्रार

काठमाडौं : सहकारी विभागका रजिस्ट्रार झलकराम अधिकारीले सहकारीकाे ब्याजदर सहकारीकर्मीकाे भावना सम्मान हुनेगरि तय गरिने बताउनुभएको छ ।

चाैथाे ललितपुर साकाेस समिट-२०७८काे उद्घाटन समाराेहमा शुभकामना मन्तव्य व्यक्त गर्नुहुँदै रजिस्ट्रार अधिकारीले ब्याजदर तय गरिँदा सहकारीकर्मी भावना सम्मान हुनेगरी छिट्टै निष्कर्षमा पुगिने बताउनुभयो ।

त्यस्तै उहाँले नियामक निकायलाई कमजाेर बनाएर अभियान अघि बढ्न नसक्ने समेत बताउनुभयाे । राज्यले जारी गरेकाे ऐन, नियम, निर्देशिका पालन गर्ने दायित्व सहकारीको भएकाे र पूर्ण रुपमा कार्यान्वयन गर्न निर्देश दिनुभयाे ।