विकू बचतको पहिलो त्रैमासिक समिक्षा: ९९.९५% उपलब्धीसहित प्रगतिनगर सेवा केन्द्र उत्कृष्ट

गैंडाकोट : विकू बचत तथा ऋण सहकारी संस्थाको चालु आर्थिक वर्ष २०७८/०७९ को पहिलो त्रैमासिक समिक्षा बैठक सम्पन्न भएको छ । यस अवधिमा भएका कामहरुको समिक्षा गरी संस्थाको कारोबार लगायत अन्य गतिविधिलाई थप प्रभावकारी गराउने उद्देश्यकासाथ बैठकको आयोजना गरिएको संस्थाले जनाएको छ।

बैठकमा संस्थाको वर्तमान अवस्था, योजना र समसान्दर्भिक विषयको बारेमा संस्थाका प्रमुख अधिकृत माधव प्रसाद पौडेलले सहजिकरण गर्नु भएको थियो । बैठकमा विभागीय प्रमुखहरु, क्षेत्रीय प्रमुखहरु र सबै सेवा केन्द्रका प्रमुखहरुको सहभागीता रहेको थियो ।

बैठकमा विभागीय तथा सेवा केन्द्र प्रमुखहरुले आ-आफ्नो विभाग तथा सेवा केन्द्रको वर्तमान अवस्था, आगामी लक्ष्य, संभावना, सदस्य सेवा, अवसर, चुनौती र समाधानका उपायहरुको वारेमा गहकिलो प्रस्तुती पेश गर्नु भएको थियो ।

संस्थालाई वित्तीय रुपमा अझ शसक्त बनाउनको लागि विभागीय तथा सेवा केन्द्रका प्रमुखहरुले आफ्नो योजना सहित धारणा राख्नु भएको थियो । यसैबीच चालु आर्थिक वर्षको लागि सेवा केन्द्रलाई दिईएको वित्तिय लक्ष्य मध्ये ९९.९५ प्रतिशत उपलब्धी हासिल गरी पहिलोे त्रैमासिकमा प्रगतिनगर सेवा केन्द्र उत्कृष्ट सेवा केन्द्र हुन सफल भएको छ ।