लालुपाते बहुद्देश्यीय सहकारीको रकम हिनामिना गर्ने सञ्चालकको अचल सम्पत्ति रोक्का

खोटाङ : दिक्तेल स्थित लालुपाते बहुद्देश्यीय सहकारी संस्थाको रकम हिनामिनामा संलग्न व्यक्तीहरुको अचल सम्पत्ति रोक्का गरिएको छ ।

प्रदेश सहकारी रजिष्ट्रार कार्यालय, प्रदेश नं १. इटहरीले रकम हिनामिनासङ्ग सम्बन्धित व्यक्तिहरुको अचल सम्पत्ति रोक्का गरिएको जानकारी दिएको छ । कार्यालयले हालसम्मको सम्पत्ति र दायित्वको लेखापरीक्षण गराउने, साधारण सभा बोलाई ऋण लगानीसहित पाउनुपर्ने रकम असुलीको कार्य तदरुकताकासाथ अघि बढाइ सदस्यको बचत फिर्ता गर्ने लगायतका निर्णयहरु गराउने कार्य गरेको छ ।

कार्यालयले संस्थाका संचालक र कर्मचारीहरुलाई कार्यालयमै उपस्थित गराइ अब साधारण सभाको निर्णय बमोजिम तत्काल रकम असुलीको कार्बाही अगाडि बढाउने र सो कार्यमा कार्यालयले आवश्यक निर्देशन र सहजीकरण गर्ने गरी निर्णय गरेको छ ।