सिभिलका सदस्यलाई सिआइबीले भन्याे,`निक्षेप र ब्याज नपाएकाे भए ब्युरोमा सम्पर्क गर्नू´

काठमाडौं : नेपाल प्रहरीको केन्द्रीय अनुसन्धान ब्युरोले सिभिल सहकारीबाट निक्षेप र ब्याज नपाएकाहरुलाई प्रमाणसहित आउन अनुराेध गरेकाे छ ।

हालसम्म १३७ जना पिडितले मात्र उजुरी दिएका छन् । १३७ जनाकाे ७० कराेड ८७ लाख १३ हजार ८ सय २१ रुपैयाँ ३२ पैसा फिर्ता नपाएकाे उजुरी परेकाे छ । उक्त उजुरीकाे आधारमा सिभिलका अध्यक्षसहित १२ जना पक्राउ गरि प्रहरीले अनुसन्धान गरिरहेकाे छ ।

ब्युरोले सुचना नै जारी गरी कानुन बमोजिम आवश्यक थप कारबाहीको लागि निक्षेपकर्ता र सर्वसाधारणलाई ब्युरोमा सम्पर्क गर्न अनुरोध गरेकाे हाे ।