सिवाईसी साकोसको १२ औं साधारण सभा सम्पन्न, ३ अर्ब ५ करोडको संस्था बनाउने लक्ष्य

बागलुङ : सिवाईसी बचत तथा ऋण सहकारी संस्था लिमिटेड, बागलुङको १२ ओैं साधारणसभा सम्पन्न गरेको छ । साविक धौलागिरी अन्चलमा सबैभन्दा धेरै शेयर सदस्य भएको सहकारीको बागलुङ, म्याग्दी र पर्वतका २३ वटा सेवा केन्द्रमा एकै पटक विस्तारित मञ्च तथा साधारणसभा शुभारम्भ गरेको थियो । सिवाइसीका २३ वटै सेवा केन्द्रमार्फत छुट्टाछुट्टै विस्तारित मञ्चका कार्यक्रमहरु आयोजना गरी सदस्यहरुको राय तथा सुझाव संकलन सहित प्रतिनिधिमुलक निर्णय सभा गरेको हो ।

सहकारीले कृषक, न्यून आय भएका, रोजगारी गुमाएका सदस्य तथा बागलुङमा सक्रिय सञ्चारकर्मीहरुलाई लक्षित गरी नीति तथा कार्यक्रममा समेटेको छ । सो अवसरमा सवै सेवा केन्द्रमा उत्कृष्ट सदस्य, असल उद्यमी, असल बचतकर्ता र असल बालबचतकर्ता लाई सम्मान गरिएको थियो । सो अवसमार ८० बर्ष नाघेका जेष्ठ नागरिकलाई स्वास्थ्य परिक्षणकालागी नगद ५ हजारसहित सम्मान गरिएको छ ।

संस्थाले जेष्ठ नागरिक पेन्सन, जेष्ठ नागरिकलाई औषधि उपचारको लागि शुल्क, सुत्केरी पोषण सुविधा, आफन्त गुमाएका परिवारमा मृत्यु राहत, नव दुलही स्वागत लगायतका समुदायमा आधारित कार्यक्रमहरु गर्दै आएको छ ।

एटिएम, मोबाइल बैंकिङ, क्युआर कोड, मिष्डकल बैकिङ लगायतका डिजिटल प्रविधिहरुमार्फत सदस्यलाई स्थानीय स्तरमै सेवा दिंदै आएको संस्थाले आगामी आ.व. मा सुरक्षित संस्था निर्माण गर्दै सदस्यहरुलाई गुणस्तरीय सेवा प्रवाह गर्दै जाने सहकारीले जनाएको छ ।