नेपालमा पहिलाे पटक जिल्ला संघ र विषयगत संघ बीच एकीकरण

सिन्धुली : सिन्धुली जिल्लाका ३ सहकारी संघहरुबीच एकीकरण सम्पन्न भएको छ ।

जिल्ला उपभोक्ता सहकारी संघ, जिल्ला बहुउद्देश्यीय सहकारी संघ र जिल्ला सहकारी संघ बीच एकीकरण भई जिल्ला सहकारी संघ, सिन्धुलीको नाम कायम भएकाे छ ।

एकीकरणसँगै अब सिन्धुलीमा जिल्ला संघहरुको संख्या ८ बाट घटेर ६ कायम भएको छ ।

जिल्ला सहकारी संघ सिन्धुलीको २०७८ भदौं ९ गते बुधवार २८ औं स्थापना दिवसका अवसरमा बागमती प्रदेश सहकारी विभागका रजिष्टार विक्रम प्रसाद पाण्डेयले एकीकृत प्रमाण पत्र हस्तान्तरण गर्नुभएको हो ।

प्रमाण पत्र हस्तान्तरण गर्दै रजिष्टार पाण्डेयले संख्यात्मक रुपमा जिल्ला संघहरु बढ्नुभन्दा गुणात्मक जिल्ला संघ बनाउन सिन्धुली जिल्लाको सहकारी अभियानले खेलेको भूमिकाको स्वागत स्वागत गर्नुभयो ।