सहकारी विभागद्वारा १७ बुँदे निर्देशन जारी, साउनसम्म उठेकाे ब्याज अघिल्लो वर्षकाे आम्दानीमा राख्न सकिने

काठमाडौं : संघीय सरकार, सहकारी विभागले सहकारी संघ/संस्थाका लागि १७ बुँदे मार्गदर्शन एवं निर्देशन जारी गरेकाे छ ।

बुधबार उपरजिष्ट्रार माेमेन्द्र न्याैपानेद्वारा जारी मार्गदर्शन एवं निर्देश अनुसार आर्थिक वर्ष २०७७/०७८ काे असुली हुन बाँकी ब्याज रकमलाई साउन मसान्तभरी प्राप्त भएमा अघिल्लाे वर्षकाे आम्दानी मानी लेखाङ्कन गर्न सकिने जनाएकाे छ । याे बाध्यकारी भने नहुने र लेखाङ्कन गर्न चाहे बाधा नपर्ने विभागले जनाएकाे छ ।

त्यस्तै सहकारी संस्थाले गर्ने लगानी अधिकतम् उत्पादनमूलक, राेजगारी सृजना हुने र कृषि जन्य क्षेत्रहरुमा गर्न निर्देशन जारी गरेकाे छ ।