गण्डकी प्रदेशमा सहकारीः ४६ अर्ब ४९ करोड बचत, ५१ अर्ब २४ करोड लगानी

काठमाडौं : गण्डकी प्रदेश अन्तर्गतका जिल्लाहरुमा बचत तथा ऋण सहकारी संस्थाहरुको कुल पूँजी १३ अर्ब ४७ करोड, कुल बचत ४६ अर्ब ४९ करोड र कुल कर्जा लगानी ५१ अर्ब २४ करोड रहेको छ ।

प्रदेशमा रहेका बचत तथा ऋण सहकारी संस्थाहरु तथा गैर–सरकारी संस्थाहरुको संख्या तथा कारोबारमा विस्तार भएता पनि यस्ता संस्थाहरुको प्रभावकारी नियमन, निरीक्षण र सुपरिवेक्षण गर्ने निकाय एवम् संयन्त्रको अभावका कारण वित्तीय स्थायित्वमा पर्नसक्ने नकारात्मक प्रभाव न्यूनीकरण गर्ने कार्य चुनौतीपूर्ण रहेको केन्द्रीय बैंकको भनाई छ ।