ज्योति मिर्मिरे सामुहिक साकोसद्वारा वृक्षारोपण

काभ्रे : पनौती नगपालिका–६, नमोबुद्ध रोडमा रहेको ज्योति मिर्मिरे सामुहिक बचत तथा ऋण सहकारी संस्थाले २०८ औ भानु जयन्तीको अवसरमा वृक्षारोपण कार्यक्रम सम्पन्न गरेको छ । ‘सम्पदा संरक्षणमा ज्योति मिर्मिरे सामुहिक साकोसको साथ’ भन्ने मूल नाराका साथ वृक्षारोपण कार्यक्रम सम्पन्न गरेको संस्थाले जनाएको छ ।

संस्थाका सचिव दिपकप्रसाद दाहालको सभापतित्व र पनौती ९ का वडा अध्यक्ष सहकूल कुमार हुमागाईको प्रमुख आतित्थ्यतामा वृक्षारोपण कार्यक्रम सम्पन्न गरेको हो ।

‘दिगो र उत्कृष्ट वित्तीय सहकारी संस्था’ को परिकल्पना गरी समुदायमा आधारित भएर संचालित ज्योति मिर्मिरे सामूहिक साकोसले विगत २२ वर्षदेखि सदस्यको आर्थिक, सामाजिक, सास्कृतिक र वातावरणीय पक्षको सकारात्मक परिवर्तका लागि काम गरिरहेको छ । संस्था यस वर्ष नेफस्कूनद्धारा बागमती प्रदेश स्तरीय उत्कृष्ट साकोस घोषणा भएको थियो ।

२०६९ साल फागुन १९ गते काभ्रेको पनौतीमा रहेका ज्योति, मिर्मिरे, सामुहिक महिला र जागृती नमुनालाई एकैपटक नेपालमा पहिलो पटक भव्यरुपमा सहकारी एकिकरण गरेको थियो ।