ग्रामिण क्षेत्रमा सहकारी विस्तार आवश्यकः सचिव पाण्डे

काठमाडौं : भूमि व्यवस्था, सहकारी तथा गरिवी निवारण मन्त्रालयका सचिव टेकनारायण पाण्डेले ग्रामिण क्षेत्रमा सहकारी विस्तार आवश्यक रहेको बताउनुभएको छ । सहकारी धेरै भएको ठाउँमा एकीकरण र ग्रामिण क्षेत्रमा सहकारी संस्था विस्तार गर्नुपर्ने बताउनुभयो ।

सहकारीमार्फत गरिबी न्यूनिकरणमा सहकारीको योगदानको संज्ञा दिनुहुँदै सचिव पाण्डेले ग्रामिण क्षेत्रमा सहकारीको आवश्यकता औल्याउनुभएको हो । ९९ औं अन्तर्राष्ट्रिय सहकारी दिवसको सहकारी महासंघले आयोजना गरेको कार्यक्रममा बोल्नुहुँदै सचिव पाण्डेले सहकारीले राम्रा कामसँगै कमजोरीहरु पनि रहेको बताउनुभयो । सहकारीहरुले गरेको कमजोरीको रिर्पोट मन्त्रालयसम्म आउने गरेको बताउनुभयो ।

सहकारीको गरेको असल अभ्यास अन्य सहकारीहरुले पनि अनुशरण गर्नुपर्नेमा उहाँले जोड दिनुभयो ।