भेटिएन गुडविल सहकारीका अध्यक्ष

काठमाडौं : यतिबेला गुडविल बचत तथा ऋण सहकारी संस्था, ललितपुरका अध्यक्ष दिवाकर श्रेष्ठ सम्पर्कविहिन छन् ।

संस्थाको रकम हिनामिना गरेको आरोप सदस्यहरुले लगाएका छन् । सदस्यहरुको बचत फिर्ता गर्न नसकेपछि अध्यक्ष श्रेष्ठ सम्पर्कविहिन बनेका हुन् । सदस्यहरुले नियामक निकाय, प्रहरी र जिल्ला बचत संघ गुहारेका छन् । संस्थाबाट पैसा फिर्ता पाउन उजुरी दिने क्रम बढेको छ ।

२ सय जना पीडित संगठित भएर संस्थाको हिसाब किताब माग गरिरहेका छन् । अध्यक्ष श्रेष्ठलाई खोजी गरी पाउ भन्दै प्रहरीमा उजुरी उनीहरुले दिएका छन् । संस्थाका कर्मचारी ध्यक्ष श्रेष्ठले पैसा लगेर भागेको बताएका छन् । उनी नआई पैसा फिर्ता दिन नसक्ने जवाफ पीडितले पाइरहेका छन् ।

केही दिनयतादेखि कार्यालय आंशिक खुला भएको छ । तर, सञ्चालक समिति नै सम्पर्क विहीन भएपछि पीडित अलपत्र परेका छन् । संस्थाका कुन सदस्यको कति बचत छ भन्ने समेत रेर्कड राखिएको छैन । ललितपुर जिल्ला बचत तथा ऋण सहकारी संद्धले समस्या समाधान गर्न पहल गरिरहेको छ ।