सदस्यलाई प्रविधिमा जोड्दै साहस सहकारी, अब सदस्यले घरबाटै बचत गर्न सक्ने

काठमाडौं : काठमाडौं महानगरपालिका–१६ गीताञ्जली, नयाँबजारमा रहेको साहस बचत तथा ऋण सहकारी संस्थाले ईसेवा सँग सहकार्य गरी सदस्यलाई प्रविधिमा जोडेको छ ।

संस्थाको सेवालाई प्रभावकारी, सरल र सहज बनाउने उद्देश्यले ईसेवासँग सहकार्य गरेको हो । अब संस्थाका सदस्यले बचत, ऋणको ब्याज, किस्ता ईसेवाबाट भुक्तानी गर्न सक्नेछन् ।

संस्थामा रहेको जुनसुकै खातामा बचत गर्न कार्यालयसम्म पुग्नु पर्दैन भने किस्ता र ब्याज बुझाउन पनि थप सहज भएको छ । संस्था र सदस्यहरु सँगको कारोबारलाई प्रविधिमैत्री बनाउने प्रयास स्वरुप यस्तो सेवा सुरु गरेको संस्थाका अध्यक्ष बलराम पाठकले जानकारी दिनुभयो ।

साहस साकोसले सदस्यलाई प्रभावकारी वित्तीय प्रदान गर्नुका साथै सामाजिक कार्यमा समेत योगदान गर्दै आएको छ ।