सहकारी संस्थाले अटेरी गरे : रजिष्ट्रार शर्मा

काठमाडौं : सहकारी विभागका रजिष्ट्रार लिलाप्रसाद शर्माले सहकारी संस्थाहरुले सरकारले ल्याएको कार्यक्रममा अटेरी गरेको बताउनुभएको छ । सहकारी तथा गरिवी सम्बन्धि व्यवस्थापन सूचना प्रणाली (कोपोमिस)मा आवद्ध हुने सहकारी कम भएको प्रसंगमा यस्तो बताउनुभएको हो ।

कोपोमिसमा आवद्ध हुन सरकारले विगत लामो समयदेखि सहकारीलाई आव्हान गरेको भएपनि यसप्रति सहकारीले अटेरी गरेको बताउनुभयो । अनिवार्य रुपमा छिटो आवद्ध हुन रजिष्ट्रार शर्माले आग्रह गर्नुभएको छ ।

नेपाल सहकारी पत्रकार समाज (सिजेएन)ले काठमाडौंको लप्सिफेदीमा आयोजना गरेको तालिम कार्यक्रमको समापन गर्नुहुँदै रजिष्ट्रार शर्माले सरकार, अभियान र सदस्यहरु बीचको सहकार्य हुन सके मात्र यस क्षेत्रले विकास गर्ने बताउनुभयो ।

सहकारी क्षेत्रको सुचना, तथ्यांकहरुलाई नियमित, विश्‍वसनिय, वास्तविक बनाई व्यवस्थापन सूचना प्रणालीमा आधारित अनुगमन,नियमन पद्धति स्थापित गर्न तयार गरिएको आधुनिक सूचना प्रणाली नै कोपोमिस हो