रजिष्ट्रार शर्माद्वारा पदभार ग्रहण

काठमाडौं : सहकारी विभागका रजिष्ट्रार लीलाप्रसाद शर्माले पदभार ग्रहण गर्नुभएको छ । शर्मालाई विभागमा एक औपचारिक कार्यक्रम गरी स्वागत गरिएको छ ।

भूमि व्यवस्था, सहकारी तथा गरिबी निवारण मन्त्रालयले शर्मालाई सहकारी विभागको रजिष्ट्रारको जिम्मेवारी दिएको थियो । शर्मा यसअघि भूमि सम्बन्धी समस्या समाधान आयोगको सदस्य सचिव सचिव थिए ।

यस अघि रजिष्ट्रार रहेका डा. टोकराज पाण्डेलाई सरकारले रक्षा मन्त्रालयमा सरुवा गरेसँगै शर्मालाई विभागको जिम्मेवारी दिइएको हो ।